Morgunblaðið - 23.09.2001, Blaðsíða 19

LISTIR
MORGUNBLAÐIÐ SUNNUDAGUR 23. SEPTEMBER 2001 19
NÍUNDA starfsár Sinfóníuhljóm-
sveitar Norðurlands hefst með tón-
leikum í Glerárkirkju í dag kl. 16.
Stjórnandi á tónleikunum er
Guðmundur Óli Gunnarsson
og einsöngvari er Hulda
Björk Garðarsdóttir sópran.
Á efnisskrá tónleikanna
eru hljómsveitarverk, söng-
lög í útsetningum fyrir
hljómsveit og aríur úr óper-
um. Fluttur verður Finga-
lshellir, forleikur eftir
Mendelsohn, sönglög eftir
Grieg og Sibelius auk
þekktra íslenskra sönglaga í
hljómsveitarbúningi Jóns Þórarins-
sonar. Seinni hluti tónleikanna er
helgaður óperutónlist en þá verður
flutt forleikur og aríur úr óperum.
Síðasta verkið á efnisskránni er síðan
Carmen svíta eftir Bizet.
Einsöngvari með með Sinfóníu-
hljómsveit Norðurlands er Hulda
Björk Garðarsdóttir sópran en hún
er fædd á Akureyri og hóf söngnám
sitt hjá Þuríði Baldursdóttur við tón-
listarskólann þar og síðar við Tónlist-
arskóla Eyjafjarðar. Árið 1996 lauk
hún burtfararprófi frá Söngskólan-
um í Reykjavík og hélt síðan til Berl-
ínar þar sem hún stundaði nám við
Hochschule der Künste í eitt ár. Hún
hlaut styrk frá The Associated Board
til náms við Konunglega tónlistarhá-
skólann í London og lauk þaðan ein-
söngvaraprófi Dip RAM með láði ár-
ið 1998. Aðalkennari hennar var
Elizabeth Ritchie. Hún hefur tekið
þátt í námskeiðum hjá söngvurunum
Barböru Bonney, Richard Van Allen
og Robert Tear. Hún hlaut styrk úr
söngvarasjóði Félags ís-
lenskra leikara árið 1999,
Búnaðarbanka Íslands árið
2000 og Menningarsjóði
FÍH árið 2001.
Á síðustu árum hefur
Hulda Björk komið fram
bæði hér heima og erlendis.
Hún hefur sungið þekkt að-
alhlutverk í óperum og auk
þess komið fram á fjölda
tónleika, m.a. með Sinfóníu-
hljómsveit Íslands.
Hulda Björk sagði í samtali við
Morgunblaðið að hún hlakkaði mjög
til þess að syngja með Sinfóníuhljóm-
sveit Norðurlands. „Ég hef sungið
flest þessara verka áður opinberlega
en ekki með hljómsveit svo það er
mjög spennandi og skemmtilegt.
Sérstaklega finnst mér ánægjulegt
að fá tækifæri til að syngja íslensku
sönglögin í hljómsveitarbúningi Jóns
Þórarinssonar. Ég hef ekki áður unn-
ið með Guðmundi Óla svo það er
einnig tilhlökkunarefni.“ Hulda
Björk hefur á undanförnum mánuð-
um verið búsett hérlendis en starfað
bæði innanlands og utan og segir það
fyrirkomulag ganga ágætlega. „Það
eru ýmis spennandi verkefni í und-
irbúningi bæði hér heima og erlendis
sem fullsnemmt er að nefna en ég er
bjartsýn á framtíðina,“ segir Hulda
Björk Garðarsdóttir sópransöng-
kona.
Sinfóníuhljómsveit Norðurlands
Íslensk sönglög
og óperuaríur
Hulda Björk
Garðarsdóttir
Í NORRÆNA húsinu verður
ljóðaupplestur og þjóðlagatónlist
frá Lettlandi í dag, sunnudag, kl.
16. Hjalti Rögnvaldsson leikari
mun flytja ljóð Knuts Skujenieks
í þýðingu Hrafns Harðarsonar.
Knuts (f. 1936) er einn kunnasti
og mest verðlaunaði rithöfundur
Letta.
Hann lagði stund á lettneska
málfræði í Riga og bókmenntir
við Maxim Gorkí stofnunina í
Moskvu. Innan árs frá því að
Knuts lauk námi var hann hand-
tekinn af pólitískum ástæðum í
apríl 1962 og varð hann að eyða
sjö árum í vinnubúðum í Mordo-
víu. Knuts Skujenieks hefur ein-
göngu starfað sem rithöfundur
eftir að hann losnaði úr vinnu-
búðunum. Knuts Skujenieks hefur
gefið út sjö ljóðasöfn og þýtt
fjölda ljóða og leikrita.
Á tónleikunum munu Valdis og
Ruta Muktupavels flytja hefð-
bundna baltneska tónlist (lett-
neska og litáíska). Hér er um að
ræða goðsagnasöngva sem hafa
haldið indóevrópskum einkennum
sínum. Þau leika á ýmis hefð-
bundin hljóðfæri en þó fyrst og
fremst á baltneska strengja-
hljóðfærið kuõkles. Valdis leikur
á sekkjapípu en hann er einn
þekktasti sekkjapípuleikari Lett-
lands. Þar að auki er leikið á
geitarhorn, yfirtónaflautu, horn-
flautu, flautur, munngígju,
hringlu og litlar trommur. Á tón-
leikunum verður stuttlega greint
frá hinum ýmsu söngvum og
hljóðfærum til að gefa áheyr-
endum hugmynd um merkingu
þeirra.
Ljóðaupplestur og þjóð-
lagatónlist frá Lettlandi
Lettneski rithöfundurinn Knuts Skujenieks.
MÁL og menning
gefur á þessu
hausti út skáld-
sögur eftir Gyrði
Elíasson, Svein-
björn I. Baldvins-
son og Sjón. Frá
Gyrði Elíassyni
kemur sjálfstætt
framhald skáld-
sögunnar Gang-
andi íkorni sem út
kom fyrir nokkr-
um árum. Gyrðir
hefur verið af-
kastamikill und-
anfarin ár en hann
fékk Íslensku
bókmenntaverð-
launin og Lax-
nessverðlaun
Vöku-Helgafells
fyrir smásagna-
safnið, Gula húsið,
í fyrra.
Skáldsaga
Sveinbjörns I.
Baldvinssonar
segir frá íslensk-
um dreng sem bú-
settur hefur verið
í Bandaríkjunum
en kemur til Ís-
lands til að vitja
bújarðar sem honum hefur hlotnast í
arf. Þá hefur Sjón ritað nýja skáld-
sögu sem mun vera sjálfstætt fram-
hald skáldsögunnar Augu þín sáu
mig, sem út kom fyrir nokkrum árum.
Gyrðir
Elíasson
Sveinbjörn I.
Baldvinsson
Sjón
Skáldsögur
eftir Gyrði,
Sveinbjörn
og Sjón