Morgunblaðið - 23.09.2001, Blaðsíða 2
FRÉTTIR
2 SUNNUDAGUR 23. SEPTEMBER 2001 MORGUNBLAÐIÐ
KANNA á hvort æskilegt sé að flytja rannsókna-
stofnunina á Keldum á starfssvæði Háskóla Ís-
lands í Vatnsmýrinni og verður skipaður starfs-
hópur hlutaðeigandi aðila til að fara yfir þá kosti
sem fyrir hendi eru í þeim efnum. Páll Skúlason,
rektor Háskóla Íslands, telur að hagnaður af sölu
Keldnalands af þessum sökum eigi að ganga til
þess að efla rannsókna- og vísindastarf í landinu.
Páll sagði að ekki væri nein ákvörðun fyrirliggj-
andi hvað þetta snerti en menntamálaráðherra
væri að setja á laggirnar starfshóp þeirra aðila
sem hagsmuna ættu að gæta hvað þetta snerti.
Kanna ætti hvort fýsilegt væri að flytja rann-
sóknastofnunina á Keldum vestur á háskólasvæð-
ið og í þeim efnum væru tveir kostir fyrir hendi.
Annars vegar að rannsóknastofnunin á Keldum
yrði hluti þeirra nýju vísindagarða sem fyrirhugað
væri að reisa í Vatnsmýrinni og hins vegar að
byggt yrði yfir rannsóknastarfsemina í tengslum
við Læknagarð sunnanvert við Hringbraut, en
áhugi væri á því hjá læknadeild.
Páll sagði að starfshópurinn myndi skoða þessi
mál á næstunni í samráði við starfsfólkið á Keld-
um. „Ég tel að skoða eigi það mjög alvarlega að
einhverjar af rannsóknastofnunum atvinnuveg-
anna komi með starfsemi sína inn í þessa nýju vís-
indagarða okkar,“ sagði Páll.
Hann sagði að með því að færa saman skylda
starfsemi og sameina kraftana sköpuðust mögu-
leikar til að stórefla allt vísinda- og þekkingar-
starf. Það hefði reynslan að þessu leyti erlendis
frá sýnt ótvírætt.
Starfsemi Iðntæknistofnunar fer fram í Graf-
arholti skammt frá Keldum. Aðspurður hvort til
greina kæmi að Iðntæknistofnun kæmi einnig inn
í þessa nýju vísindagarða sagði Páll að ákveðnir
þættir í starfsemi stofnunarinnar ættu vel heima á
þessum vísindagörðum. Þannig væri talað um að
koma upp frumkvöðlasetri á vísindagörðunum og
Iðntæknistofnun væri með vísi að því.
Keldur tilheyra Háskólanum
Keldur eru í eigu ríkisins. Páll sagði að Háskól-
inn liti þannig á að þetta land tilheyrði skólanum
og ætti að nýtast honum. „Háskólinn telur að
hagnaður af sölu þessa lands eigi að ganga til upp-
byggingar á rannsóknastarfi í landinu, einkum í
Háskólanum, og sérstaklega að hugað verði að því
að nýta þessa fjármuni til hagsbóta fyrir þá rann-
sóknastarfsemi sem hann hefur staðið fyrir og er
mjög mikilvæg,“ sagði Páll ennfremur.
Páll Skúlason rektor HÍ telur landið á Keldum tilheyra Háskólanum
Flutningur rannsókna á Keld-
um í Vatnsmýri athugaðurÖKUMAÐUR sendiferðabíls,sem fór út af veginum við vega-mót Þrengslavegar í Svína-hrauni á þriðjudagskvöld, er al-
varlega slasaður. Að sögn
vakthafandi læknis á gjör-
gæsludeild Landspítala – há-
skólasjúkrahúss er líðan hans
óbreytt. Hann er enn á gjör-
gæsludeild, tengdur við öndun-
arvél.
Bæði eru tengd
við öndunarvél
Þá er líðan tólf ára stúlkunn-
ar sem varð fyrir bifreið á Háa-
leitisbraut föstudaginn 14.
september síðastliðinn einnig
óbreytt en hún er alvarlega
slösuð. Hún er enn á gjör-
gæsludeild, tengd öndunarvél.
Óbreytt
líðan hinna
slösuðu
ÖKUMAÐUR missti stjórn á bifreið
sinni í gærmorgun með þeim afleið-
ingum að hún hafnaði inni í garði
sem er við Borgarholtsbraut til
móts við Urðarbraut í Kópavogi.
Að sögn lögreglunnar í Kópavogi
var ökumaður ekki á mikilli ferð en
einhverra hluta vegna hefði honum
fipast við aksturinn. Kranabíll kom
á vettvang til að fjarlæga bifreið-
ina.
Engin meiðsl urðu fólki, en um-
talsverðar gróðurskemmdir urðu í
viðkomandi garði.
Morgunblaðið/Ásdís
Bíll fór
inn í garð
SVO mikil ýsa hefur veiðst við
Grímsey og víðar úti fyrir Norður-
landi síðustu vikurnar að sumir sjó-
menn hafa neyðst til að stöðva veiðar
vegna skorts á ýsukvóta. Óli H. Óla-
son, útgerðarmaður, sem hefur einn
mesta kvótann í Grímsey, kláraði
ýsukvótann á nýbyrjuðu fiskveiðiári
í fyrsta túrnum. Hann segir mjög
erfitt að fá leigðan ýsukvóta og því
standi sumir sjómenn frammi fyrir
því að þurfa að hætta veiðum jafnvel
þó að þeir eigi nógan þorskkvóta.
Það sé sama hvar þeir dýfi niður
færi, alls staðar sé ýsa.
Óli hefur stundað sjósókn í nærri
60 ár og kveðst aldrei muna eftir
öðru eins ýsuskoti. Ýsan sé stór og
feit og bersýnilegt að hún hafi nóg að
éta því lifrin sé sérstaklega feit.
„Við erum alveg í vandræðum. Við
fengum mjög lítinn ýsukvóta enda
hefur engin ýsa verið hérna. Við
fengum úthlutað 1.400 kílóum og við
kláruðum það í fyrsta róðri. Við
fengum 1.400 kíló í gær líka og það
virðist vera sama hvar við leggjum;
alls staðar er ýsa. Við erum að reyna
að leigja ýsukvóta, en það er mjög
erfitt að fá kvóta. Okkur hefur tekist
að leigja 5 tonn, en það klárast
fljótt,“ sagði Óli.
Neyðast til að
hætta veiðum
Óli leigði kvótann á 117 kr/kg, en
ýsa á fiskmörkuðum hefur farið á
170 kr/kg. Verðið hefur lækkað
vegna mikils framboðs. Hann sagði
að mikil ýsa væri við Skagagrunn,
austur við Sléttu, út af Kópaskeri og
víðar fyrir Norðurlandi.
Óli sagðist vita til þess að sjómenn
hefðu neyðst til að hætta veiðum.
Bátur frá Hrísey stæði núna t.d.
frammi fyrir hálfs mánaðar svipt-
ingu veiðileyfis vegna þess að útgerð
hans hefði ekki tekist að útvega ýsu-
kvóta. Fleiri stæðu frammi fyrir því
sama. Óli sagði þetta slæmt vegna
þess að þessir menn ættu þorsk-
kvóta sem þeir gætu ekki nýtt við
þessar aðstæður.
Veiðar smábáta á ýsu voru frjálsar
fram til 1. september. Óli sagði að
ýsuskotið hefði byrjað í ágúst og þá
hefðu bátarnir sótt í hana en nú
reyndu þeir að forðast hana með
litlum árangri. Hann sagði að það
hefði verið dýrmætt fyrir smábáta-
sjómenn, sem væru sumir hverjir
stórskuldugir, með lítinn kvóta og í
harðri baráttu við að halda bátunum,
að fá að veiða ýsuna núna.
Óli var spurður hvort það væri
ekki freistandi fyrir sjómenn að
henda ýsunni við þessar aðstæður.
„Að sjálfsögðu. Nú fyrst byrja menn
að henda,“ sagði Óli og var ómyrkur í
máli í garð fiskifræðinga og stjórn-
valda. Hann sagðist telja að menn
gerðu sér enga grein fyrir hvað væri
að gerast í sjónum.
„Fiskifræðingar virðast hafa
reiknað út að fiskurinn kunni ekki að
synda. Ég get nefnt sem dæmi að
hér norðan við eyjuna eru góð fiski-
mið sem fiskur kemur öðru hverju á.
Í fyrsta togararallinu fengu togar-
arnir fleiri poka af fiski, en síðan hef-
ur hist svo á að þeir hafa ekki þurft
að leysa frá. Það hefur svo kannski
verið mokfiskirí þar nokkrum vikum
síðar. Þeir toga hins vegar alltaf á
sama blettinum og helst á sama degi
og svo er reiknað út frá þessu. Í tog-
ararallinu er aldrei farið upp á
grunnslóð, en þar hefur verið ágæt
veiði og þeir hafa ekki hugmynd um
þann fisk. Ég hef ekki þurft að fara
upp að Kolbeinsey í á annað ár,“
sagði Óli.
Trillusjómenn geta ekki nýtt þorskkvótann vegna mikillar ýsuveiði
Kláraði ýsukvótann strax
í fyrstu veiðiferð sinni
HALLDÓR Ásgrímsson utanríkis-
ráðherra segir óljóst hvernig ríkis-
stjórnin komi til með að bregðast við
vegna þeirrar stöðu sem upp er kom-
in í tryggingamálum flugvéla. Málið
sé bæði stórt og flókið.
Utanríkisráðuneytið vann um
helgina að því að afla upplýsinga um
viðbrögð annarra þjóða við þeirri
stöðu sem upp er komin varðandi
tryggingar á flugvélum íslenskra
flugfélaga, en tryggingafélög um all-
an heim hafa sagt upp ábyrgðar-
tryggingum vegna stríðs og hryðju-
verka í kjölfar hryðjuverkanna í
Bandaríkjunum. Fundur var í sam-
gönguráðuneytinu í gær þar sem
fjallað var um stöðuna. Á fundinum
var farið yfir málið og ákvörðunar-
taka undirbúin. Ákvörðun þarf að
liggja fyrir eigi síðar en á mánudags-
kvöld þegar ábyrgðartryggingin fell-
ur úr gildi.
Halldór sagði að hlutfallslega
væru Íslendingar háðari flugsam-
göngum en margar aðrar þjóðir og
þess vegna væri þetta mál alvarlegt,
en einnig mjög flókið. Í laugardags-
blaði Morgunblaðsins er haft eftir
samgönguráðherra að boðaður hafi
verið aukafundur í ríkisstjórninni á
laugardag. Þetta er ekki rétt og er
beðist velvirðingar á því. Það sem
ráðherra sagði var að boðaður hefði
verið fundur um málið í samgöngu-
ráðuneytinu.
Næsti reglulegi fundur í ríkis-
stjórninni er á þriðjudaginn, en hugs-
anlegt er hins vegar að ríkisstjórnin
komi saman á mánudaginn til að
fjalla um málið þar eð flest bendir til
að of seint sé að taka ákvörðun á
þriðjudag. Formleg ákvörðun um
það lá þó ekki fyrir í gær.
Eitt af því sem gerir þessa ákvörð-
un stjórnvalda erfiða er fámenni
þjóðarinnar. Verði hryðjuverk fram-
ið í íslenskri flugvél getur tjónið orðið
gríðarlega mikið eins og gerðist í
New York 11. september sl. Það er
því meira mál fyrir ríkissjóð Íslands
að veita slíka ábyrgð en t.d. stjórn-
völd í Bretlandi eða Bandaríkjunum
sem eru margfalt stærri ríki.
Það er flókin
ákvörðun að
veita ábyrgðir
Á FUNDI sambandsstjórnar Far-
manna- og fiskimannasambands Ís-
lands nýverið komu fram hörð mót-
mæli vegna ákvörðunar stjórnvalda
um að fjölga fisktegundum í afla-
marki, sem tók gildi 1. september
síðastliðinn. Um er að ræða löngu,
keilu og skötusel.
Í fréttatilkynningu frá Farmanna-
og fiskimannasambandi Íslands seg-
ir orðrétt: „Þessi ákvörðun stjórn-
valda mun óhjákvæmilega leiða til
mikils brottkasts afla á stórum sem
litlum fiskiskipum, þar sem mörg
skip hafa afar takmarkaðar veiði-
heimildir í þessum tegundum og með
hliðsjón af þeirri staðreynd að frá 1.
september síðastliðnum hefur nán-
ast ekkert framboð verið á löngu,
keilu og skötusel á kvótamarkaði.“
Jafnframt var mótmælt ákvörðun
stjórnvalda um millifærslu á veiði-
heimildum frá fiskiskipum stærri en
10 brúttólestir til smábáta.
Mótmælin hafa verið send for-
sætisráðherra og sjávarútvegsráð-
herra.
Mun leiða
til mikils
brottkasts
BÍLLAUSI dagurinn var haldinn
víða í borgum og bæjum Evrópu í
gær. Var fólk hvatt til að skilja
einkabílinn eftir heima og í hans stað
nota strætisvagna eða fara fótgang-
andi. Ísland er eitt fárra landa í Evr-
ópu sem ekki tóku þátt í þessum degi
nú í ár.
Innt eftir því hvort umferðin í
Reykjavík hefði verið eitthvað minni
í gær en gengur og gerist sagði lög-
reglan í Reykjavík erfitt að gera sér
grein fyrir því þar sem umferð á
laugardögum væri afar misjöfn.
Bíllaus dagur
víða í Evrópu
♦ ♦ ♦
♦ ♦ ♦