Morgunblaðið - 28.07.2000, Blaðsíða 2

2 D FÖSTUDAGUR 28. JÚLÍ 2000
DAGLEGT LIF
MORGUNBLAÐIÐ
Hugrún Dögg Árnadóttir
„Pönkaður
dömustíll"
AÍSLANDI er mikil orka
og við verðum að notfæra
okkur það. íslendingar
eru líka svo metnaðarfull-
ir,“ segir Hugrún Dögg Árnadóttir,
Frakklandsfari með meiru. Hún var
að ljúka fatahönnunarnámi við hinn
virta skóla Studio Bergot í París og
segir Frakkana vera töluvert ólíka
íslendingum. „Maður þarf að venj-
ast frönskum viðhorfum en til dæm-
is ríkir hörð valdabarátta í tísku-
heiminum. Allir reyna að fínna
veikan blett á öðrum. Maður verður
að vera kaldur í mannlegum sam-
skiptum að þessu leyti,“ segir hún.
Hugrún spjaraði sig þó vel og
kom nýlega aftur heim til íslands
eftir rúmlega tveggja ára námsdvöl
í Frakklandi. „í upphafi ætlaði ég
mér ekki að fara í fatahönnun held-
ur hafði ég áhuga á búningahönnun
og öllu tengdu leikhúsi. Þegar ég
komst inn í þennan skóla ákvað ég
hins vegar að slá til. Skólinn er
listaskóli og námið snýst því mikið
um hugmyndavinnu og það að finna
eigin stíl. Þetta er einkaskóli og
stærstur hluti nemendanna er úr
ríkum fjölskyldum en þeir sækja
einungis í skólann út af nafninu,“
segir hún.
Námið við Studio Bergot er að
miklu leyti sjálfsnám þó að nem-
endur sæki einnig hefðbundna
áfanga eins og í textíl auk lista- og
búningasögu. „Ég er ekki í ullinni
og náttúrulegu efnunum eins og svo
margir hér heima. Textíllinn er
samt mjög mikilvægur fyrir mér.
Ég hef mjög gaman af því að vinna
með efni og liti og út frá þeim kem-
ur síðan formið.“
Efnin sem Hugrún notar eru m.a.
keypt á litlum mörkuðum en hún
hefur einnig gaman af að nota efni
sem eru venjulega notuð í eitthvað
annað en föt. „Sem dæmi er efnivið-
ur minn meðal annars sérstakir
borðdúkar með pappírsáferð. Þegar
ég byrjaði í skólanum hafði ég sama
sem aldrei teiknað. Ég sest því ekki
niður við teikniborðið og teikna
heila fatalínu. Frekar geri ég pruf-
Daglegt líf heldur nú áfram kynningu á fatahönn-
uðum Futurice, alþjóðlegrar fatahönnunarsýning-
ar sem haldin verður í Bláa lóninu aðra helgina í
ágúst. Inga Rún Sigurðardóttir hitti að máli tvo
nýútskrifaða fatahönnuði, Þuríði Rós Sigurþórs-
dóttur og Hugrúnu Dögg Arnadóttur, en þær taka
báðar þátt í sérstakri samsýningu á Futurice.
Morgunblaðia/Jim Smart
Stór hluti fatalínu Hugrúnar er
handsaumaður enda leggur hún
mikið upp úr litlum smáatriðum.
ur úr lérefti á gínuna og vinn út frá
þeim. Það er fullt af frægum hönn-
uðum sem kunna ekki að teikna.
Þeir ráða til sín teiknara."
Stór hluti fatalínu Hugrúnar fyr-
ir Futurice er handsaumaður.
„Þetta er meira svona „haute cout-
ure“ eða hátíska. Stór hluti af föt-
unum er handsaumaður enda legg
ég mikið upp úr smáatriðum. Ég
geri allt sjálf, ég sníð og sauma.“
Hugrún segir að fötin hennar séu
fyrir kraftmiklar konur. „Þetta er
pönkaður dömustíll fyrir konur með
mikla orku. Fötin eru litrík. Þau eru
fyrir konur sem þora að skera sig úr
fjöldanum en eru dömulegar um
leið,“ segir Hugrún, sem að eigin
sögn hefur þetta litríka og dömu-
lega í sér.
Útskriftarsýning Studio Bergot
var haldin 10. júlí síðastliðinn. „Á
sýninguna koma alltaf allir helstu
fatahönnuðir í heimi til að fylgjast
með. Þetta er stór sýning en eig-
andi skólans er gömul og virt kona
sem hefur góð sambönd í tísku-
heiminum. Ég ætla að nota eitthvað
„Persónuleg og
einlæg hönnun“
ÞURÍÐUR Rós Sigurþórs-
dóttir útskrifaðist í vor frá
Central Saint Martins
listaháskólanum í London
með BA- próf i fatahönnun. Nem-
endur skólans eru frá um 70 löndum
en Þurý, eins og Þuríður er oftast
kölluð, var eini íslendingurinn í
sinni deild. Skólinn er ekki af lakara
taginu en á meðal fyrrverandi nem-
enda eru hönnuðirnir Hussein
Chalayan, John Galliano og Alex-
ander McQueen. Námið tók þrjú ár
og sérhæfði Þurý sig í hönnun á
kvenfatnaði. „Ég hef lært rosalega
mikið í skólanum, ekki bara á því að
sækja tíma heldur líka á því að vera
innan um fólk sem lifir og hrærist í
lista- og tískuheiminum. Það er sér-
stakt að vera alltaf á meðal fólks
sem er á sömu braut og maður sjálf-
ur og hefur náð langt. Maður er því
stöðugt að gagnrýna sjálfan sig og
leitast við að gera betur. Umhverfið
er mjög örvandi og gerir það að
verkum að maður verður að fylgjast
vel með og myndar sér einnig sterk-
ari skoðanir á hönnun," segir hún.
Áhuginn á fatahönnunamámi
jókst hjá Þuríði eftir að hún sótti
sumarnámskeið í tískuteikningu við
Saint Martins. Hún hafði þó góðan
grunn fyrir námið því áður en hún
fór út var hún búin bæði með for-
nám og eitt ár í textíldeild MHÍ sem
nú er Listaháskóli íslands. „Mér
hefur alltaf fundist gaman að teikna
og hef sótt ýmis myndlistarnám-
skeið frá því ég var tólf ára. Ég var
mikið að spá í hvort ég ætti að fara
út í myndlist eða fatahönnun og eft-
ir námskeiðið varð fatahönnunin of-
an á,“ segir Þurý.
Námið nýtist henni vel fyrir
Futurice þvi þetta er ekki í fyrsta
skipti sem Þurý hannar fatalínu.
„Fyrir útskriftarsýninguna mína í
skólanum gerði ég sjö alklæðnaði. Á
meðan náminu stóð vann ég við að
hjálpa til á tískusýningum og kynnt-
ist þannig vel hvernig þær fara
fram.“
Samhent systkini
Listrænt eðli er greinilega í ætt-
inni því Þór, bróðir Þuríðar, er
búinn með eitt ár í textíldeild LHÍ.
„Við vinnum mikið saman. Þegar ég
var að vinna að útskriftarsýning-
unni úti í London kom hann alla
vega þrisvar sinnum að heimsækja
mig. Við skiptumst á hugmyndum
en það er erfitt að gera allt einn. Nú
virðist líka vera algengt að hönnuðir
vinni saman tveir og tveir eða í hóp-
um en það er miklu betra fyrir hug-
myndavinnuna. Af þvi að við erum
systkini þá er líka aílt í lagi að rífast
aðeins. Við þekkjum hvort annað
svo vel. Ef það verður eitthvert
áframhald á verkefninu fyrir Futur-
ice þá eigum við eftir að vinna það
Morgunblaðið/Golli
Þuríður er með BA-próf í fata-
hönnun frá Central Saint Mart-
ins listaháskólanum í London.
saman. Jafnvel væri gaman að
stofna fjölskyldufyrirtæki," segir
hún.
í hugmyndavinnu hefur Þurý
gaman af því að skyggnast undir
yfirborðið. „Ég vinn oft út frá ein-
hverri ákveðinni hugsun eða jafnvel
einni setningu. Fyrir útskriftarsýn-
inguna í skólanum vann ég út frá
dagdraumum. Þá kannaði ég
draumaheiminn og jafnframt súr-
realisma. Ég vil kafa ofan í hlutina
og fá til baka svörun með því að
hanna flík og sjá sjálfa mig í henni.
Fyrir mér er teikningin mikið at-
riði. Ég geri yfirleitt margar skiss-
ur áður en ég finn réttu útfærsluna.
Mér finnst mjög mikilvægt að það
sem ég geri sé einlægt."
Að sögn Þuríðar er enginn ákveð-
inn boðskapur í hönnun hennar.
„Það er ekki tilgangurinn með föt-