Morgunblaðið - 15.11.1978, Blaðsíða 13

MORGUNBLAÐIÐ, MIÐVIKUDAGUR 15. NÓVEMBER 1978
13
Flug Bretland-Skandinavía:
S AS og British
Airways sitji
ein að öllu f lugi
London, 14. nóvember, Reuter
BRESK og skandinavísk flugmála-
yfirvöld hófu í dag viðræóur sínar
vegna gerðar rammasamnings
þjóðanna um flug þeirra á milli,
segir í frétt sem breska flutninga-
málaráðuneytið sendi frá sér í dag.
Norðurlandaþjóðirnar munu vera
nokkuð óánægðar með þá samninga
sem í gildi eru, en þeir voru
undirritaðir árið 1952 og fóru þess
vegna fram á viðræður um gerð nýs
rammasamnings.
Vegna þessa var haft eftir
forráðamönnum skandinavísku
sendinefndarinnar, að þeir teldu
sinn hlut nokkuð fyrir borð borinn
væri tekið mið af þeim sérréttind-
um sem breskir og erlendir aðilar
hefðu á þessum flugleiðum.
Á fundi þessara aðila á síðasta
ári gerðu fulltrúar Danmerkur,
Noregs og Svíþjóðar þá kröfu að
framvegis sætu SAS-flugfélagið og
British Airways ein að öllu flugi á
flugleiðum milli landanna, og er
búist við að þeir haldi þeirri kröfu
til streitu.
Gífurleg vandræði
brezks bflaiðnaðar
Lnndon, 14. nóvember Reuter
BRESKI bflaiðnaðurinn stendur nú
frammi fyrir gífurlegum vand-
ræðum vegna verkfalla starfs-
manna sinna, en alls munu nú um
80 þúsund starfsmcnn f hflaiðnaðin-
um vera í verkfalli, segir í yfir-
lýsingu samtaka breska bflaiðn-
aðarins.
57 þúsund starfsmenn Ford-verk-
smiðjanna hafa nú verið í verkfalli í
átta vikur og lamað alla starfsemi
fyrirtækisins og um 25 þúsund
starfsmenn British Leyland-vérk-
smiðjanna hafa lagt niður vinnu og
valdið gífurlegum töfum á allri
framleiðslu fyrirtækisins.
Starfsmönnum Ford-verksmiðj-
anna var í gær boðin 16% hækkun
launa en þeir höfnuðu því algerlega
sögðust mundu halda verkfallinu til
streitu þar til gengið hefði verið
alveg að kröfum þeirra um 25%
Iaunahækkun.
Hlera í sendiráði
Ástralíu í Moskvu
Canberra, Ástralíu, 14. nóv. AP
ÁSTRALSKA ríkisstjórnin ásak-
aði í dag Sovétríkin um stórfelld-
ar hleranir í sendiráði Ástralíu í
Moskvu. og í framhaldi þess
afhenti sendiherra landsins
sovéska utanrikisráðherranum
harðorð mótmæli áströlsku ríkis-
stjórnarinnar.
Á þingi sagði Andrew Peacoak,
utanríkisráðherra Ástralíu að
hlerunartæki hefðu fundist víða í
veggjum sendiráðsins og ríkis-
stjórnin liti á þetta mjög alvarleg-
um augum.
Ráðherrann sagði að þegar væri
ákveðið að hætta við þátttöku
Ástralíumanna í viðræðum um
frekari samskipti landanna á sviði
lista og vísinda sem hefjast áttu
innan tíðar.
Sovétstjórnin vísaði ásökunum
Ástralíumanna þegar á bug og
sögðust enga ábyrgð bera á
þessum hlerunum, þar væru
greinilega að verki „öfl“ sem vildu
skemma samskipti landanna.
Bændur í Zambíu
draga úr
Lusaka. 14. nóvember.
Reuter. AP.
HVÍTIR bændur í Zambíu ákváðu í
dag að hætta við að bregða búum og
leggja eld að húsum sínum, eins og
þeir höfðu hótað, ef stjórn landsins
léti þeim ekki í té nægilega vörn
gegn ágangi skæruliða frá Rhódes-
íu, sem aðsetur hafa í Zambíu.
Bændurnir höfðu f gær borið fram
þessar hótanir í kjölfar þess að átta
hvftra bænda er saknað og talið að
skæruliðar hafi numið þá á brott
með sér.
hótunum
Kenneth Kaunda forseti Zambíu
vísaði í gær algerlega á bug öllum
ásökunum um að stjórnin hefði látið
yfirgang af hálfu skæruliða viðgang-
ast og sagði að lögreglan hefði nú til
rannsóknar allar kærur bændanna.
Sagði forsetinn að engin ríkisstjórn
gæti látið kúga sig með hótunum af
því tagi sem bændurnir hefðu uppi.
Þessar deilur eru nýjasta dæmið
um versnandi sambúð hvítra manna
og skæruliða í Zambíu í kjölfar árása
hers Rhódesíu inn í Zambíu nýlega.
Veður
víða um heim
Akureyri -7 hálfskýjað
Amsterdam 10 heiðrfkt
Apena 18 heiðrikt
Barcelona 17 heiðríkt
Berlín 8 léttskýjað
Brussel 10 skýjað
Chicago 19 skýjað
Frankfurt S skýjað
Genf 5 léttskýjað
Helsinki 6 rigning
Jerúsalem 16 skýjað
Jóhannesarborg 24 skýjað
Kaupmannahöfn 9 rigning
Lissabon 19 léttskýjað
London 14 skýjað
Los Angeles 12 skýjað
Madrfd 13 heiöskírt
Malaga 19 léttskýjað
Mallorca 19 léttskýjað
Miami 27 skýjað
Moskva 2 skýjaö
New York 9 skýjað
Óslð 9 skýjað
Paris 11 léttskýjað
Reykjavík -1 skýjað
Rio Oe Janeiro 27 léttskýjað
Rómaborg 15 heiðskírt
Stokkhólmur 8 skýjað
Tel Aviv 22 skýjað
Tókýó 17 skýjað
Vancouver 6 léttskýjað
Vínarborg 3 poka
1977 — ísraelsmenn bjóða
Sadat til Jerúsalem að ávarpa
ísraelsþing.
1976 — Sýrlendingar ná yfir-
ráðum yfir Beirút; 19 mánða
borgarastríði lýkur.
1972 — Samkomulag Banda-
ríkjanna og Kúbu gegn flugrán-
um.
1956 — Gæzlulið SÞ kemur til
Egyptalands.
1946 — Hollendingar viður-
kenna indónesíska lýðveldið.
1935 — Manuel Quezon
verður fyrsti forseti Filippseyja.
1889 — Keisaradæmi
Portúgala lýkur í Brazilíu sem
verður lýðveldi.
1884 — Berlínar-ráðstefna 14
þjóða um Afríku sett.
1863 — Andast Friðrik VII
Danakonungur og Kristján IX
tekur við.
1831 — Stórveldin samþykkja
aðskilnað Hollands og Belgiu.
1813 — Frakkar reknir frá
Hollandi eftir uppreisn.
1796 — Napoleon sigrar
Austurríkismenn við Arcole.
1577 — Francis Drake fer frá
Englandi i hnattsiglingu.'
1532 — Herferð Pizarros til
Perús hefst.
1492 — Kólumbus skrifar um
tóbaksnotkun Indíána í dagbók
sína. (tóbaksnotkunar getið í
fyrsta skipti).
Afmæli dagsinsi William Pitt,
enskur stjórnmálaleiðtogi
(1708-1779) - William
Cowper, enskt skáld
(1731—1800) — Averell Harri-
man, bandarískur stjórnmála-
maður (1891—) — Petula Clark,
ensk söngkona (1934—).
Innlentt Löndunarbanninu af-
létt 1956 — Fyrsta togvíra-
klippingin 1975 — Samtök
frjálslyndra og vinstri manna
stofnuð 1969 — Níu farast á
vélskipi sem hvolfir á Grundar-
firði 1953 — Ásgeir Ásgeirsson
biðst lausnar 1933 — Alþingis-
kosningar ( Jón Magnússon
fellir Jakob Möller í Reykjavík)
1919 — Sjóvátryggingafélag
íslands stofnað 1919 — Ár-
bæjarskötuhjú hálshöggvin í
Kópavogi 1704 — D. Jón sýslu-
maður eldri 1641 — F. Finnur
Jónsson listmálari 1892 — D.
Friðrik VII 1863.
Orð dagsinsi Ég segi ekki
brandara; ég horfi bara á
ríkisstjórnina og segi frá
staðreyndum — Will Rogers,
bandarískur húmoristi
(1879-1935).