Morgunblaðið - 15.11.1978, Blaðsíða 5
MORGUNBLAÐIÐ, MIÐVIKUDAGUR 15. NÓVEMBER 1978
5
Gunnar Bogason háseti á Danska Pétri írá Vestmannaeyjum virðist
ánægður á svip þar sem hann veður silfrið i hné. (Ljósm. Sigurgelr).
Reknetaveidinni
lýkur á morgun
Mjög góður afli síðustu daga
ÖLL leyfi til reknetaveiða hafa verið afturkölluð frá
klukkan 12 á hádegi á morgun, en hins vegar er síðasti
veiðidagur hringnótabáta mánudagurinn 20. nóvember
n.k. og með honum lýkur síldarvertíðinni. í fréttatil-
kynningu frá sjávarútvegsráðuneytinu segir að þar sem
afli reknetabáta á þessu hausti nemi nú um 15.000 lestum
hafi þessi ákvörðun verið tekin. Ennfremur segir í
tilkynningunni að þar sem mjög óljóst sé hverjir
möguleikar séu á söltun og frystingu á sfld það sem eftir
sé veiðitimabilsins séu skipstjórar báta beðnir að athuga
hvernig standi með afsetningu á síld, áður en þeir haldi
til veiða.
Mjög góð síldveiði hefur verið
undanfarna daga og í rauninni það
sem af er þessum mánuði, en
síldveiðarnar gengu treglega
framan af veiðitímanum. Til
dæmis má nefna að í gær var tekið
á móti um 2600—2700 tunnum af
síld á Höfn í Hornafirði, en
heimabátum með litlu minna
magn varð að vísa í burtu og héldu
þeir m.a. til Stöðvarfjarðar og
Eskifjarðar.
Algengt var að Hornafjarðar-
bátarnir væru með 200—600
tunnur og en mestan afla í
fyrrinótt voru eftirtaldir bátar
með: Steinunn um 570 tunnur,
Svalan um 500 tunnur og Þinganes
um 500 tunnur.
í Vestmannaeyjum voru síð-
degis í gær komin á land tæplega
5.800 tonn af síld, en í fyrra bárust
þangað liðlega 4.100 tonn. í ár hafa
veiðst um 2500 tonn í reknet og
verið landað í Eyjum, en um 3300 í
hringnót. Langmest af síldinni
hefur farið F söltun, en þó hafa 4
þúsund tunnur verið flakaðar.
Nokkuð af því hefur farið í
frystingu, en mest verið ediksaltað
hjá þremur stöðvanna í Eyjum.
Mjög margir bátar hafa lagt
reglulega upp í Vestmannaeyjum
og einnig aðkomubátar. Aflahæst-
ir bátanna sem verið hafa á
reknetum eru Dalarafn með 2.750
tunnur, Danski Pétur með 2.620
tunnur og Arni í Görðum með
2.100 tunnur.
Auka á sparn-
að í löggæzlu
FYRIR dyrum standa ýms-
ar skipulagsbreytingar á
löggæzlu í landinu í því
skyni að draga úr kostnaði
við löggæzluna, að því er
Eiríkur Tómasson aðstoðar-
maður dómsmálaráðherra
tjáði Mbl. í gær.
Eiríkur kvað of snemmt að
skýra frá fyrirhuguðum breyting-
um í smáatriðum enda væru þær í
sumum tilfellum ekki fullákveðn-
ar. Aftur á móti sagði Eiríkur að
áformað væri að draga stórlega úr
yfirvinnu löggæzlumanna en hún
hefur víða verið mikil, sérstaklega
í nokkrum umdæmum úti á landi.
Á næsta ári er áformað að
aukavinnugreiðslur til lögreglu-
manna nemi 560 milljónum króna
og er það 140 milljón króna
niðurskurður.
Viðgerð tókst á holu
llvið Kröflu ígær
NÚ HEFUR nær alveg tekizt að loka af efra kerfið í holu 11 á Kröflusvæðinu, en
viðgerðir sem framkvæmdar voru í septembermánuði mistókust. Á sunnudag var aftur
gerð tilraun til að einangra efra kerfið og virðist þéttingin nú hafa tekizt mjög vel. Þá
tókst í gærmorgun að bora tappann í burtu, sem var tæpa 100 metra frá botni
holunnar, en á neðstu metrunum eru góðar æðar. Eftir þetta tvennt ríkir því á ný
nokkur bjartsýni um að Kröfluvirkjun framleiði rafmagn í vetur, en það kemur þó
ekki í ljós fyrr en um mánaðamót hversu mikla orku hola 11 gefur og ekki fyrr en
undir miðjan desember hve mikið fæst úr holu 12, nýjustu holunni á svæðinu.
Það var tvennt, sem mistókst í
viðgerðartilrauninni á holu 11 í
september. I fyrsta lagi tókst ekki
að þétta efsta hluta leiðarans. í
öðru lagi var notaður málmtappi á
1300 metra dýpi til að varna því að
sement og steypa færu niður á
botn holunnar. Þegar síðan átti að
bora þennan tappa í burtu var ekki
notuð rétt borkróna að sögn
Eina'rs Tjörva Elíassonar verk-
fræðings í samtali við Morgun-
blaðið i gær. Snerist tappinn með
borkrónunni niður á 2112 metra
dýpi.
Fyrst í stað álitu menn að það
kæmi ekki að sök, en síðar kom í
ljós að á 2140—2180 metra dýpi
voru góðar æðar, þannig að
nauðsynlegt var að ná tappanum í
burtu. Það tókst síðan í gær-
morgun og í gær var unnið að því
að hreinsa holuna. Fyrst eftir
þéttinguna í september virtist
lekinn aðeins um 1 sekúndulítri
efst í leiðaranum, en er holunni
var hleypt í blástur kom í ljós að
10—12 lítrar komu úr efra kerfinu,
sem er kaldara, en aðeins 4—5
sekúndulítrar úr neðra kerfinu.
Efra kerfið virðist nú vera nær
alveg einangrað niður á 1290
metra en þangað niður var steypt.
Hola 11 var mjög viðkvæm og
óstöðug í fyrrahaust, en eftir þessa
viðgerð á hún að vera stöðugri og
gefa betra gufuhlutfall.
Þær þrjár holur, sem nú eru
tengdar við Kröflu eru holur 6, 7
og 9 og framleiða þær um 3
megawött brúttó, þ.e. um 2MW til
neytenda. Til að Kröfluvirkjun
verði sett af stað þarf hún að geta
framleitt fimm megawött, sagði
Einar Tjörvi í gær.
Fallegar vetrarpeysur
fyrir dömur og herra
Tískulitir
tískusniö
Austurstræti 10 llSrsími: 27211