Lesbók Morgunblaðsins - 19.05.1957, Blaðsíða 1

Lesbók Morgunblaðsins - 19.05.1957, Blaðsíða 1
Brezkur k SYÐRA horni Austurstrætis og Aðalstrætis er ferhyrnt opið svæði. Þar vex ekki stingandi strá og hvorki eru þar runnar né blóm, er glatt geti vegfarendur og orðið þeim augnayndi. En þetta er þó mörgum kær staður. Á hverjum morgni koma menn þangað ak- andi í bílum. Það eru menn sem stunda atvinnu í Miðbænum. Þeir raða bílunum um allt svæðið, stíga af þeim, læsa þeim og fara svo sína leið. Því að þarna er einn af hinum fáu griðastöðum bíla í bænum. Hann er að vísu lítill og rúmar ekki nema svo sem einn af hverjum 200 bílum, sem hér eiga heima. En þeir, sem mega geyma bíla sína þarna hrósa happi. Hér eru bílarnir nokk- urn veginn öruggir meðan eigend- ur eru fjarverandi. En á síðkvöld- um og um nætur er sviðið autt og grátt og fremur óaðlaðandi. Þegar forfeður okkar voru að skipuleggja nýar götur í Reykja- vík, miðuðu þeir breidd þeirra við það að hestar með þorskhausa- klyfjar gæti komizt þar hver fram hjá öðrum. Þessi breidd dugði líka eftir að hestakerrurnar komu, og þess vegna er svipaður mælikvarði á mörgum götum í bænum. En svo komu bílarnir og þá kom í hrossakaupmaður cstlaði að reisa gisti- hús í Reykjavík BíIatorgiS á horni Aðalstrætis og Austurstrætis ljós að göturnar voru allt of mjó- ar. Hitt var jafnvel ennþá verra, að bílarnir gátu ekki látið sér nægja göturnar einar, þeir þurftu marga og víða áfangastaði. Engan hafði órað fyrir þessu, og jafnvel 30 ár- um eftir að fyrstu bílarnir komu, voru menn ekki farnir að skilja þetta. Þess vegna hefir það orðið eitt af stærstu vandamálum höfuð- borgarinnar: Hvar eiga bílamir að vera? Þama á þessari lóð hafa nokkrir þeirra fengið afdrep. En lóðin var ekki ætluð þeim. Það þurfti hvorki meira né minna en stórbruna til þess að þarna féngist afdrep fyrir bíla. Og þótt nú sé skammt síðan, þá munu fæstir þeirra Reykvík- inga, sem nú eru um tvítugt og

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.