Lesbók Morgunblaðsins - 08.09.1940, Blaðsíða 1

26. tölublaS. Sunnudaginn 8. september 1940. XV. árgangur.
ÍitfoliUiywliiilll> h.r.
SIGURÐUR NORDAL:
DR. PHIL. -------------
BENEDIKT 8. ÞÚRARINSSON
Benedikt S. Þórarinsson í bókasafninu á Laugaveg 7.
I.
íðast liðinn höfuðdag fjell í
. 1 valinn íslendingur, sem lengi
mun í minnum hafður, dr. phil.
Benedikt Sigurður Þórarinsson
kaupmaður. Hann var fæddur 6.
nóvember 1861. Æfi hans skiptist
að heita mátti jafnt milli 19. og
20. aldar. Hann var kominn á 10.
ár, þegar stöðulögin voru sett, og
hann lifði síðasta æfiár sitt við-
burði í sögu þjóðarinnar, sem
marka ný tímamót, þótt enginn
geti enn sjeð fyrir, hversu örlaga-
ríkir þeir verða. Hann bar svip
beggja aldanna og hinna stórfeldu
breytinga, sem yfir. aldamótakyn-
slóðirnar hafa gengið. Og hann
sameinaði margt af því besta úr
gamla og nýja tímanum: annars
vegar traustleik og festu, gætni,
hyggindi og forsjálni, — hins
vegar stórhug og djarfar vonir
um viðgang þjóðarinnar í fram-
tíðinni. Það var býsna margt í
fari nútímans og samferðamann-
anna, sem var honum lítt að
skapi, og mjer er nær að halda,
að á hvaða öld sem hann hefði
verið uppi, mundi hafa mátt segja
um hann:
Við alla var hann fjöl ei feldur,
fann ei skyldu sína heldur
að heiðra sama og aðrir alt.
En trú hans á hlutverk og menn-
ingu íslendinga var samt ófúin,
eins og rækt hans við alt, sem
hann unni á annað borð. Hann
var tvímælalaust einn svipmesti
og sjerstakasti íslendingur síðustu
áratuga, einn af þeim, sem átti
nógu djúpar rætur og sterkan
stofn til þess að láta veður hinna
mestu breytingatíma á ferli þjóð-
arinnar gnýja um sig án þess að
svigna nje feygjast.
II.
Það væri æskilegt, að einhverj-
ir, þeirra manna, sem höfðu lengri
og nánari kynni af Benedikt en